اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

من طرف **ايمان** الجمعة ديسمبر 25, 2009 7:24 pm

افضل انواع الالمونيوم (رائى خبير)
الالومينيوم افضل الانواع
الدهان الشيف البومبيه
بجميع
الرفايع الصواني الطواجن المقلايات الكسرولات البانه مصفة الطماطم المصفه
اللي برجل الكنك صواني الكيك صواني البيتزا البسبوسه البريوش الفواله ان
تكون كلها الدهان الشيف
ولابد من التاكد من كلمة الشيف لان في انواع تقليد في السوق وهي يحيي الدهان .
ثم المونيوم الزنوكى او 6 اكتوبر مشهود لهم بالجوده وسمعت عن نيو سلفر بس غالى .

دي اول حاجه

[ندعوك للتسجيل في المنتدى أو التعريف بنفسك لمعاينة هذه الصورة]
ثاني شيء التيفال انا بفضل واري ان الافضل
تيفال زهران الارمتال

وزهران

عموما اما الارميتال وهو اللون الغامق اسمه ارمتال بيد ستيل ولابد من
التاكد من كلمة ارمتال وتكون اليد ستيل وموجود اليد بلاستيك تاخدي اربع
حلل وصنيه ومقليتان وصنية كيك.
[ندعوك للتسجيل في المنتدى أو التعريف بنفسك لمعاينة هذه الصورة]
الثالث
الاستيل زهران المذهب او الساده
الاثنين
كويسين جدا برضه تاخدي حوالي اربع حلل مختلفه تماما مع مقاسات التيفال لان
كل من الاثنين مكملين لبعض وتاخدي لبانه ومقلايه وصنيه وكنك كفايه كده
عليه وفي شوية ملحوظات لازم منها قبل استخدام التيفال والاستيال
وممكن حلل المصانع الحربيه سعرها اقل ومشهود لها بالجوده العاليه ومتوفره فى اماكن كتير بس اسئلى كويس.
[ندعوك للتسجيل في المنتدى أو التعريف بنفسك لمعاينة هذه الصورة]
الصاج متخديش غير
السلوفاني
بس غير كده لا دي نصيحه ليكي عشان هو تقيل جدا
ويليه مباشره التركى لكن السلوفانى افضل بكثير.

[ندعوك للتسجيل في المنتدى أو التعريف بنفسك لمعاينة هذه الصورة]
الصينى البولندى يجنن بس ايه غالى اوى
صينى المانى و بو لندى و الأماراتى وبجد الأمارتى فى اشكال حلوة اوى ونضيف وسعر معقول والصينى اللبنانى مثله والاغلى الصينى البولندى

[ندعوك للتسجيل في المنتدى أو التعريف بنفسك لمعاينة هذه الصورة]
البيركسرالفرنساوي
واشيك الالوان الفاميه رائع.
[ندعوك للتسجيل في المنتدى أو التعريف بنفسك لمعاينة هذه الصورة]
الاركوبال التيلاندي
افضل بكتير من الفرنساوي في الخامه والرسومات والسعر بتاع التيلاندي اغلي من الفرنساوي لانه هو الافضل
والفرنساوى بعده مباشره

[ندعوك للتسجيل في المنتدى أو التعريف بنفسك لمعاينة هذه الصورة]
عايزه ميلامين خدي المستورد وهو
التلاندي
ضد الكسر افضل من الشريف و
الشريف بعده على طول.

[ندعوك للتسجيل في المنتدى أو التعريف بنفسك لمعاينة هذه الصورة]

الانواع التانيه
رفايع المطبخ

مبشره ستيل مكنة بتيفور ايطالي مفرمه تشيكي مخروطه ايطالي طقم توزيع ستيل صب حته واحده هون ايطالي درج ملح منة بطاطس شيبسي ومكنة بطاطس صوابع طقم شاي ستيل زهران طقم خشاف ستيل زهران طقم جيلي ستيل زهران او زجاج ايطالى غلاي صاج وبويلر استلستيل ويكون السخان الداخلى مغطى فى درج لا يمس الماء المراد غليه فيه مصافي عصير بمقاسات مختلفه.
[ندعوك للتسجيل في المنتدى أو التعريف بنفسك لمعاينة هذه الصورة]
ادوات المطبخ ورفايع المطبخ للعروسه (رائى خبير)

طقم سكاكين الماني

طقم سرفيس الماني

بس لازم تاخدي بالك من الختم
طقم صواني تقديم زهران او ستيل صيني اصلي
غير الرفايع الصغيره فتاحة علب وفتاحة كاكولا
مقصات مختلفة الحجم قشارة سمك منشر داخلي قواعد سخن هراسه عصارة ليمون
وبرتقال كسارة بندق
ترابيزة مكواه تركي او احمد قطب
مطبقيه شلاطه او احمد قطب
ماسك تحمير ماسك لحمه ماسك فحم ماسك جاتوه قطاعة بيض قطاعة تفاح
طقم حافظ طعام هندي ستسل من بره ومن جوه

قشارة بطاطس شماعة حائط بلانشه اي القطاعه اللحم مخرطه ستيل معالق فرداني ابوحمدا خدي معالق اسمها 5000 دي افضل واتقل الانواع دي كده شوية

[ندعوك للتسجيل في المنتدى أو التعريف بنفسك لمعاينة هذه الصورة]
الزجاج للمطبخ وللنيش

البوهيمى
ده نوع زجاج كريستال بس نظيف جدا وماركة لو منيارك حلوة اوى هاتى منها
الزجاج الفرنسى عموما من اجود الانواع ثم الايطالى شيك ثم التركى اشكاله
جميله.

اطقم الشربات طقمين واحد نيش وواحد للمطبخ وهتجيبى طقم ذهبى واخر فضى وهناك الساده والملون الوان خفيفه ومتناسقه .

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **ايمان** الجمعة ديسمبر 25, 2009 7:33 pm

صفات يجب توافرها فى الحلل الصاج

1-يكون وزنها ثقيل .
2-يكون مطليه جيدا من الداخل مش متقشره نهائى .(ولونه كريمى ده احسن من الابيض ذى بتاع زمان).
3-لتختبرى جودتها اغلى فيها ماء نقى اذا تغير لونه فهذا يدل على عدم جودتها.
4-يقال ان افضل الانواع التشيكى والتركى.
5-يفضل
شرائها من شركه كبيره ومضمونه مثل عمر افندى وصيدناوى لتتجنبى الغش وتخسرى
القديم وتضطرى لشراء غيره غالى يبقى الغالى من الاول.
6-عند استخدامها استخدميها مع ملعقه خشب حتى لا تخدشيها فتتلف.
7-يفضل استخدمها مع الشوربه وما فيه سوائل حتى لا تحترق فيهاالاشياء الصلبه مثل الارز فتتلف الحله ولا تعملى فيها تقليه .
8-عند غسيلها لا تغسليها بسلكه المونيوم او استلس بل بالسفنجه حتى يطول عمرها.
9- اذا
تغير لونها حطى فيها شوية كلور وشوية اريال او منظف من بتاع الاطباق
واخليهم يغلوا على النار شوية بصراحة بتطلع زى الفل وبيضة
جدااااااااااااااااااااا.
10-اذا كانت خفيفه استخدمى معها الشياطه حتى تحافظى عليها.
11-استودعيها الله ليحفظها لكى .

صفات يجب توافرها فى الحلل الاستلس ستيل

1-يكون وزنها ثقيل .احسن عيار ليها 18\10 .

2-يكون الاستلس الجيد هو التقيل والقاعده باتعته اهم شىء تكون تقيله .

3-لتختبرى جودتها لايتاثر بالمغناطيس فلا يلتسق به .خدي معاكي مغناطيس وعديه علي جسم الحله لو كان بيلقط معاكي اعرفي انه داخله نسبة حديد وممكن يصدي.
اما لو كان مافيش تاثير خااااااااااااااااااااااالص اعرف ان النوع ده كويس ومش حيصدي معاكي.

4-يقال ان افضل الانواع زهران والمصانع الحربيه فى مصر و فيه نوع اسمه يوجين من السعوديه هاااااااااااايل.
5-يفضل
شرائها من شركه كبيره ومضمونه مثل عمر افندى وصيدناوى لتتجنبى الغش وتخسرى
القديم وتضطرى لشراء غيره غالى يبقى الغالى من الاول.
6- نضفيها بملح اللمون لما تسود

هاتي شوية وحطيهم فيها مع مية وسيبيهم يغلوا هتلاقيها بقت مرايا

وبعد كده تسبيه لتانى يوم منقوع فى الخلطة دى
او كلور مع خل وماء وتسبيه يغلى برضه علىالنار و
.
[center]7-يفضل
استخدمها مع الشوربه وما فيه سوائل حتى لا تحترق فيهاالاشياء الصلبه مثل
الارز لانها ممكن تشيط منك فتعاملى معاها بحرص لكن اذا اتعودتى عليها ممكن
تعملى كل حاجه فيها.
8-عند غسيلها لا تغسليها بسلكه خشنه يعنى لو حاجه لزقت خمريه الاول حتى يطول عمرها.
9- وفى
اطقم وفيه بالحله ممكن تشترى 3 حلل مقاسات مختلفه ولبانه لانها افضل شىء
ممكن يبات فيها اللبن وطاسه لكن الصوانى بتاعتها متنفعش للفرن لان توزيع
الحراره فيها مش سليم فمش حلوه فى الفرن الاكل مش هيستوى صح وهيبوظ.
10-اذا كانت خفيفه او لسه بتتعملى فيهااستخدمى معها الشياطه حتى تحافظى عليها.
11-استودعيها الله ليحفظها لكى .

من طرف **ايمان** الجمعة ديسمبر 25, 2009 7:37 pm

صفات يجب توافرها فى الحلل التيفال.

1-يكون نوعها اصلى مش تقليد ويفضل ذات القاعده الموزعه للحراره .
2-يكون مطليه جيدا من الداخل مش متقشره نهائى (وتكون مطليع بطبقات ضافيه).
3-انظرى
فى داخل الحله لاحظى انها ناعمه من الداخل جدا وان ما من اى خدش فيها عند
الشراء ومطليه وكل ما كانت طبقه الطلاء سميكه كل ما كان افضل.
4-يقال ان افضل الانواع زهران وهو فرنساوى مصنع فى مصر وان لم يكن اى نوع كويس ايطالى اوفرنسى.
5-يفضل
شرائها من شركه كبيره ومضمونه مثل عمر افندى وصيدناوى لتتجنبى الغش وتخسرى
القديم وتضطرى لشراء غيره غالى يبقى الغالى من الاول.
6-عند استخدامها استخدميها مع ملعقه خشب حتى لا تخدشيها فتتلف.
7-يفضل
استخدمها مع الاشياء الصلبه مثل الارز والمحشى لانها لا تلتصق بالحله
وممكن الشوربه وما فيه سوائل ولا تعملى فيها تقليه او تشوى فيها شىء
(خصوصا الطاسه) لان اذا سخنتيها جامد او اتحرق فيها شىء بتبقى فى مواد
بتخرج منها فى قمه الضرر.
8-عند غسيلها لا تغسليها بسلكه المونيوم او استلس بل بالسفنجه حتى يطول عمرها ولا تتقشر لانها لو تقشرتتتلف وتكن مضره صحيا.
9- استودعيها الله لكى يحفظها لكى

من طرف **ايمان** الجمعة ديسمبر 25, 2009 7:40 pm

ورقة باحتياجات المطبخ لكل عروسة

اي حد عنده شئ زياده يبعته ليا
ادوات المطبخ

1- طقم صيني.طقم اركوبال سفره.طقم ميلامين سفره.طقم سفره بيركسر.طقم استلس سفره.
2- طقم المونيوم حلل.
3- طقم ستانلس ستيل حلل.وطاسات مقاسات مختلفه.
4- طقم اركوبال حلل. طقم فيزون(بيركس).طقم فخارى حلل.حله برستوا كبيره او وسط.حله البخار (حله المكرونه),حله التحمير.
5- طقم تيفال حلل.وطاسات مقاسات واحده للبيض وواحده كبيره مقاس30 لتحمير الحمام والفراخ .
6- طقم صاج حلل.
7-
مجات شوربة. طقم سمك. طقم تقديم الفراخ (يكون مرسوم عليه فرخه وحاجات
لذيذه) طواجن فخار للمكرونه بالباشميل والطواجن البورسلين.شيك وتحفه وصحى
جدا. .طقم بسبوسه صوانى ممكن تيفال وممكن المونيوم وفى اشكال تحفه. صوانى
لتقديم الكيكه والتورته.

8- صواني المونيوم للحلويات و قوالب كيك (قلب , مدوره , اشكال صغيره ومتعدده,,الخ).
9- صواني تيفال للحلويات و قوالب كيكه.
10- طقم توزيع استانلس.طقم توزيع تيفال.
11- طقم توزيع خشب.
12- شنطة ملاعق وشوك.
13- شنطة سكاكين. ممكن السكاكين بالاستناد الخشب او الاستلس اشيك.
14- ملاعق للاستخدام اليومي.
15- طقم صواني استانلس مدهب.
16- طقم صواني شاي ميلامين.طقم صوانى فيبر شيك.
17- صنية اكل كبيرة ميلامين(للعشاء).
18- صنية اكل كبيرة استانلس ..صينه اكل كبيره المونيوم للعشاء..
19- طقم صوانى المونيوم مدوره ومستطيله للفرن وممكن استلس للتقديم.
20- اطقم للثلاجة (بلاستيك وصاج واستلس <لحفظ درجه حراره الاكل>)
21- مخرطة ملوخية.
22- هون.
23- قوالب للكيك.
24- منخل واسع ودايق(غربال)
25- براد بيركسر.براد استلس بالصفاره.
26- براد المونيوم أو صاج.
27- غلاية.
28- حافظة خبز
29- طقم للتوابل
30- مصفة شاي
31- اورمة تقطيع للحمة والخضار
32- سبت للغسيل
33- اطباق بلاستيك كبيرة وغويطة لغسيل الخضار
34- فوط للمطبخ
35- مساكة للحلل السخنة.سندات الاوانى السخنه للحلل والصوانى البيركس.
36- مبشرة. قشاره بطاطس.
37- مقورة على الاقل بمقاسين.
38- مقلاة بطاطس وفراخ
39- فتاحة بيبسى وفتاحه للتونه والعلب المعدنيه.
40- ولاعة مطبخ
41- مانعة فوران اللبن
42- قطاعة بطاطس
43- مسنة للسكاكين
44- نشابة للعاجين خشبه للمطيخ.
45- صفاية للملاعق
46- طقم خشاف
47- قطاعة بيض
48- مريلة للمطبخ
49- كنك للقهوة تيفال
50- كيس لعمل الكريم شانتيه
51- فرشاه لدهن الحلويات
52- اشكال لعمل الكيك والبسكويت
53- كاسات مدهبة للشاي
54- كاسات مدهبة للقهوة
55- كاسات للعصائر وكوكتيل وايس كريم طويل وعريض وقصير منقوش وساده كرستال ذهبى وقضى.
56- كوبيات لشرب المياة
57- سلة مهملات
58- صفاية اطباق توضع علي الحوض

طقم الجاتوه

سكريه شيك علشان الضيوف
كاسات او مجات شاى للاستعمال
صوانى
بايركسرمقاسات مختلفه بيكون شكلها شيك لما تعملى اكل فى عزومه وتقدميها
على السفره خاصه فى المكرونه و الكوسه بالباشميل و المسقعه الحاجات اللى
صعب غرفها و كمان صحى
كنك القهوه بالاستاند استلس استيل.(فى انواع تانى)

الادوات بتاعت التنضيف
زي قشارة السمك و المقص السمك ومقص عادى للمطبخ للسلطه والمقص الشخصى.

**السلات بتاعت البصل و التوم و كدة زي ماقالت التربو المغطى. Any way
**العصارات اليدوية بتاعت اليمون و كدة
**المضرب اليدوي بتاع البيض
**اطباق الجلي
**طقم الجاتوه
**سلطانيا بتاعت الفروت سلاط مثلا
**القعدات الحرارية اللي بتبقى في المطبخ و اللي بتتحط على السفرة عشان الاطباق السخنة
**ماكينة االبوتيفور اللي باشكال مختلفة ده
**احمايفات المواعين
**سكرية للمطبخ و سكرية للضيوف
**شفاشق مية بلاستيك عاديين عشان اذا هتعملى عصير و لا حاجة
**بيبقى فيه طبق استنليس للعجين بيتهالي كتبتيه؟

الرشاقه كمان والرشاقه البلاستيك اللى بتكون على الحوض
وعاوزه كمان كام جركن بلاستيك عشان المياه احتياطى
كمان جردل توينز عشان المسح
ومساحه ومقشه وجاروف
وكمان العلبه البلاستيك اللى بتصفى فيها الملاعق والشوك
باسكت للزباله
جاروف
علاقات
وكمان الشماعات ماهى ضمن البلاستيك
وهاتيلك كام طبق بلاستيك غويط عشان لما تنشرى
ومشابك
ومنشر صغير للملابس الداخليه

ادوات الحلويات تزيين التورتة زي الاسباتيول مثلا
ولا مساكة الجاتوة
ومناقيش الكحك
وماكينة البسكويت والوشوش بتاعتها وكدة بس في كتير مش بيجيببوا الحاجات دى يمكن مش غاويين او ناسيين بس كل اللي اتقال هو الاساسي
لو غاويه كريم كراميل هاتى القوالب بتاعته تيفال
و الكيتشن ماتنسيهوش و دلوقتى بقى فيه منه اسعار رخيصه و كويسه فى بتاع توشيبا العربى حلو.
و جوانتى للحوض عودى نفسك علىه من اول يوم و الا مش حتعرفى بعد كده
لبنه كبيره
و لبانه صغيره عشان تسخنى فيها لبن على اد كوبايتين مصفاه كبيره للطماطم والصلصه والمكرونه برجل ومن غير رجل.
زجاجات
للمياه شيك تجمل ثلاجتك وكمان صحيه لان زجاجات العصير بتبقى معالجه لملاها
مره واحده بس بالعصيرو طبعا البلاستيك لا و ممكن تكتفى فى الاول بزجاجتين
و بعد كده ابقى اشترى لما تخلفوا انشاء الله انا عملت كده
و الاستاند الخشب عشان المجات و فى منه استانلس دلوقتى

طقم ملاحات للسفرة
معالق وشوك علي حامل للسفرة
سكينة خاصة لتقطيع الحلويات
صواني لتقديم الطعام(سيرفيس)
حامل للفاكهه اوطبق غويط وشيك لتقديم الفاكهه
بمبونيرة شيك
طبق عيش شيك للسفره

من طرف **ايمان** الجمعة ديسمبر 25, 2009 7:44 pm

ادوات المطبخ

طقم للايس كريم

ادوات النظافة
جلانس علشان الزجاج
ليفة عادية وليفة للتيفال
بريل للتنظيف

الخزين
بصى
الحجات اللى هتتحط فى المطبخ : مكرونة - رز- شعرية - سكر -شاى -نسكافية
(لو من عاشقاتة زى حالاتى كدة ) - قهوة- ملح - فلفل - كمون - البهارات
الاخرى - زيت - سمنة - زبدة - بصل - توم - بطاطس
الحجات
اللى بتتحط فى الفريز : فراخ - لحمة - زودى من البانية والكفتة لانك
هتحتجيهم فى الايام الاولى انا بسمع الناس بتقول كدة - حجات بسيطة بقى من
الخضار واعرفى طريقة حفظة ازاى : بسلة - فاصوليا -ملوخية الخضار عموما
يعنى وبالهنا والشفا واللى عندة اى اضافة يتفضل طبعا ربنا يوفقنا جميعا
عندى السكر و الرز و الحاجات اياها دى
انا هقلك الحاجات اللى فاكراها دلوقتى مثلا
ارز _ سكر _ مكرونة _ دقيق _ ملح _ بقسماط _ ردة _ زيت ذرة او عباد _ زيت زيتون
توابل (طبعا على حسب انواع التوابل اللى بتستعمليها)
خل _ سمنة _ زبدة _ قشطة _ كاكاو _ نسكافية_شاى _ لبن حليب _ لبن بودر _ شيكولاتة مطبخ
ثوم مفروم _ صابون سائل _ صابون عادى
طبعا دة غير حاجات التلاجة و الخضار و الفاكهة
ورق
فويل - اكياس زبالة - اكياس نايلون - ورنيش واسفنجة - مسحوق غسيل - صابون
- سائل مواعين - اسفنج مواعين وسلك - زيت للقلي والطهي - سمنة - ارز -
مكرونة - شعرية - شاي - سكر - قهوة - دقيق - لبن - بيض - ملح - بهارات
وتوابل - مرقة - نسكافيه - صلصة - خل - فانيليا - بيكينج باودر - نشا -
كاتشب - بقوليات - خضراوات وفاكهة - عصائر - شيكولاتة - بيبسي - جبن -
مخللات - عسل - تونة - مربي - اعشاب - كمبوت - بقسماط مطحون - جيلي -
مناديل (للسفرة وبكر تواليت) - منظف للأرضيات - معجون اسنان - جوانتي
بلاستيك للمطبخ.
وفيه بقي الحاجات اللي من الصيدلية:
اولويز
- بلاستر - قطن - عيدان الأذن - شامبو - شاور جيل - اسيتون - غسول للمنطقة
الحساسة - ماء ورد - معطر للفم - فطرة - سدادات للأذن - كريمات ومنظفات
ومرطبات للوجه والجسم

العطور
هاتى 5 ونوعى بين التقيل والخفيف وحاولى تجيبى مجموعات من اورفليم او
ايفون بيكون فيها بدى كريم وبرفام والمزيل للعرق او الاسبراى
وهاتى برفام رجالى هدية لجوزك مع التجهيزات بس ده مش اجبارى حاجة ذوقية منك
الشامبو
هاتى 3 والبلسم واحد كبيرو حمام كريم و هاتى مجموعة للبشرة يكون فيه غسول
وتونرو كريم نهار وليل وهاتى 2 او 3 شاور جل يكون فيهم فوم الاستحمام
للباينو لو جبتى تقعدى تسترخى فى بيتك وطبعا سكرب للجسم والوجه وكريمات
مرطبة للجسم والايد والقدم ولوشن او بيبى اويل
و
الميكب مزيل ميكب وهاتى بودرة سواء لو بودر اوكومباكت وكريم اساس
والماسكرا هاتى 3 الارواج والجلوس على حسب استخدامك الكحل 3 والوان محتلفة
والالينر 2 الايشادو انا بفضل علبة فيها الوان كتير و البلاشر هاتى 2 او 3
ونوعى بين الكريمى والبودر

الخزين

سمن بلدى

سمن روابى

زيت

5 ك سكر

5 ك الارز

شاى(العروسة-ليبتون)

مكرونات-لسان عصفور

دقيق

صلصة

بيض بلدى

البقوليات(كيلو من كل نوع)

(العدس-الفول-الفاصوليا -لوبيا -حمص-ذرة...... الخ)

منتجات الألبان:

جميع انواع الجبن(دلعة-حادقة-اسطنبولى-مثلثات-كيرى-رومى-جبنة قديمة-............)

قشطة

زبدة

لبن سايل حليب-بودرة

زبادى

التوابل وغيرها:

(ملح-فلفل-شطة-كمون-كسبرة-بهارات-حبهان-مستكة-ورق
لورى-جوزة الطيب-الكركم-الكارى-قرنفل--بهارات محشى-بهارات كفتة-بهارات
سمك-بهارات حواووشى-خلطة بشاميل جاهز-خلطة فيجتار-بقسماط مطحون)

(قرفة-جنزبيل-قرنفل-جوز الهند-الزبيب-مرقة دجاج-بيكنج بودر-فانيليا-خلطة البشاميل)

المشروبات:

(بيبسى-ميرندا-سفن عصايرطبيعية-ينسون-نعناع-كراوية-كركدية-تمر-شاى اخضر-تانج-حلبة-

نسكافية-قهوة-سحلب)

الخضاروغيرة:

طماطم-خيار-بطاطس-خس-فلفل رومى-بادنجان-جزر-بصل –ثوم-بطاطا

اللحوم:

لحم احمر-فراخ-لحمة مفرومة- فراخ بانية -سجق بلدى-كبدة بلدى-حماام-الهامبورجر-كفتة

سوسيس-كوارع-كبيبة جاهزة-ورااااك

متنوع:

بسبوسة-كيك-ام على-كاستر-جيلى

فطير مشلتت

مخلل(طرشى)

عسل نحل-أسود

مربى

اندومى

شيكولاتة خااام

عيش-فينو-توست-كيزر

جاتوة-حلويات شرقية

من طرف nosazozo الأربعاء يناير 06, 2010 12:15 pm

انا مش عارفه اشكرك ازاى بجد تسلم ايدك انا بقالى كتير بدور ومكنتش عارفه اوصل لحاجه بس انتى بسم الله ماشاء الله عليكى بجد مسبتيش حاجه بس انا عايزه كمان حاجه غرفه النوم يعنى عدد الملايات والفوط والبيجامات [ندعوك للتسجيل في المنتدى أو التعريف بنفسك لمعاينة هذه الصورة]

من طرف mero الأربعاء يناير 06, 2010 12:45 pm

اهلا بكى اختى الفاضلة

وانتظرى موضوع جديد لطلباتك

من طرف **سهر الليالى** الجمعة أبريل 09, 2010 7:52 pm

شـكــ وبارك الله فيك ـــرا لك ... لك مني أجمل تحية .

اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ

رد: اذا كنتى عروسه وبتجهزى تعالى تعرفى على رائى خبير فى اجود الماركات لادوات المطبخ