تجربتى مع الريجيم

من طرف **ايمان** الثلاثاء ديسمبر 29, 2009 5:39 pm

السلام عليكم أخواتى فى الله

دى مجموعة من الريجيمات الى عملتها مع أخصائية علاج طبيعى جزاها الله عنى خيرا
والحمد لله خسيت عليها 24 كيلو و ثبت فى 6 شهور+5.5 خستهم بعدالولادة
مباشرةوعلى فكرة أنا مرضع لكن ممكن الريجيمات تنفع لأى أخت لأن زيادات
الرضاعة أنا كتبتها فى ريجيمات المرضعات وفى نفس الوقت أى ريجيم منهم ينفع
للمرضع [ندعوك للتسجيل في المنتدى أو التعريف بنفسك لمعاينة هذه الصورة]
شكر واجب
أحمد ربنا سبحانه وتعالى أنه قدرنى على نفسى وثبتنى
وأشكر أمى وأختى الى وقفوا جنبى وشجعونى وساعدونى كتير فى مشوارى مع
الريجيم وكمان أخواتى فى الريجيم الغزالات الحبوبات الى شجعونى وواسونى
ووقفوا جنبى اللهم اجزاهم عنى خير الجزاء

ودى معادلة حساب مؤشر الوزن المثالى

مؤشر الوزن المثالى =
الوزن بالكيلو جرام
-----------------
الطول بالمتر*الطول بالمتر

مؤشر النحافة أقل من 19كجم/م[ندعوك للتسجيل في المنتدى أو التعريف بنفسك لمعاينة هذه الصورة]
مؤشر الوزن المثالى 19-24.9 كجم/م[ندعوك للتسجيل في المنتدى أو التعريف بنفسك لمعاينة هذه الصورة]
مؤشر الزيادة فى الوزن 25-29.9 كجم/م[ندعوك للتسجيل في المنتدى أو التعريف بنفسك لمعاينة هذه الصورة]
مؤشر السمنة 30 فما فوق[ندعوك للتسجيل في المنتدى أو التعريف بنفسك لمعاينة هذه الصورة]

وده جدول السعرات الحرارية المطلوبة للمرأة فيما بين 25-50 سنة
المرأة العادية نشاط خفيف 1500-1800 نشاط متوسط من1800- 2200نشاط زائد 2200-3000 [ندعوك للتسجيل في المنتدى أو التعريف بنفسك لمعاينة هذه الصورة]
المرأةالحامل نشاط خفيف من 1700-2200 نشاط متوسط من 2200-2800 نشاط زائد من 2800-3100 [ندعوك للتسجيل في المنتدى أو التعريف بنفسك لمعاينة هذه الصورة]
المرأة المرضع نشاط خفيف من 1800- 2600 نشاط متوسط من 2600-3100 نشاط زائد من 3100-4000 [ندعوك للتسجيل في المنتدى أو التعريف بنفسك لمعاينة هذه الصورة]

وفيه أمثلة لوجبات إفطار وغداء وعشاء بسعراتها الحرارية وجداول للسعرات الحرارية للأطعمة بأنواعها هنزلها إن شاء الله للفائدة
وأتمنى من الله أن الأخوات يخسوا على الأنظمة دى ويستفيدوا منها
ولا تنسونى من صالح دعائكم أخواتى[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]ريجيم مفيد فى حالات الكسور ونقص الكالسيوم

الأفطار
كوب شاى بنص معلقة سكر
زبادى منزوع الدسم
50 جرام جبن قريشأو بيضة مسلوقة
¼ رغيف
الساعة 11 صباحا
ثمرة تفاح
الغدا
طبق خضار نى فنى
¼ ك سمك مشوى أو ¼ فرخة أو 1/8 ك لحم مسلوق
½ رغيف
العشا
ازبادى منزوع الدسم
1 بيضة مسلوقة أو قطعة لحم أحمر
1/4 رغيف
50 جم جبن قريش

ريجيم مفيد فى حالات الأمساك[ندعوك للتسجيل في المنتدى أو التعريف بنفسك لمعاينة هذه الصورة]
الأفطار
5 معالق فول بليمون مضاف اليه 1/2 معلقة زيت ذرة
+2 كوب ماء كبير +ربع رغيف
الغدا
قطعة لحم أو فراخ أو سمك أو بيضة مسلوقة +سلطة خضرا +خضار نى فنى بدون بطاطس+1/2 رغيف+1/2 معلقة زيت زيتون +2 كوب ماء كبير
بين الغدا والعشا
2 ثمرة فاكهة ماعدا الممنوعات
العشا
قطعة جبن قريش أو 2 زبادى أو 2 بيضة مسلوقة+سلطة خضرا

ريجيم للمرضعات[ندعوك للتسجيل في المنتدى أو التعريف بنفسك لمعاينة هذه الصورة]
الفطار
كوب لبن منزوع الدسم
بيضة مسلوقة
1/2 رغيف
شاى بلبن +1/2 معلقة سكر
الغدا
سلطة خضرا
أى بروتين مسلوق أو قطعة جبن قريش
1/2 رغيف
سلطة فواكه(برتقالة +تفاحة + جوافة)
بين الغدا والعشا
كوب شاى بلبن
العشا
سلطة فواكه طازجة (جوافة +برتقالة +تفاحة)
2 زبادى منزوع الدسم

ريجيم كربوهيدرات 2 [ندعوك للتسجيل في المنتدى أو التعريف بنفسك لمعاينة هذه الصورة]
الفطار
كوب عصير برتقال أو برتقالة
بيضتين مسلوقين وربع رغيف
الغدا
2 سمكة مشوية 1/4 ك أو أى بروتين مسلوق
طبق سلطة خضرا وربع رغيف
بين الغدا والعشا
2 ثمرة فاكهة ماعدا الممنوعات
العشا
طبق خضار نى *نى وربع رغيف
ودمتم

ريجيم كربوهيدرات 1 /[ندعوك للتسجيل في المنتدى أو التعريف بنفسك لمعاينة هذه الصورة]الفطار
ا/4 رغيف وبيضة مسلوقة أو قطعة جبنة أو كوب لبن منزوع الدسم
2 حبة زيتون +كوب شاى بنص معلقة سكر
الغدا
1/4 رغيف أو 3 معالق رز مسلوق +طبق سلطة خضرا 1/2 كجم
4 اصابع كفتة أ2 بيضة مسلوقة أو اى بروتين مسلوق
بين الغدا والعشا 2ثمرة فاكهة ماعدا الممنوعات
العشا
1/4 رغيف +2 معلقة فول بليمون +طبق سلطة خضرا

نسيت أقولكم أنه مسموح ب2 معلقة سكر بس فى اليوم بس انا با ستعبط شوية وباخليهم 3 عشان البرد والرضاعة

ريجيم مرضعات 2[ندعوك للتسجيل في المنتدى أو التعريف بنفسك لمعاينة هذه الصورة]
مليااااااااان أكل [ندعوك للتسجيل في المنتدى أو التعريف بنفسك لمعاينة هذه الصورة]وللى أول مرة بتعمل ريجيم بعد الولادة وداخلة عال100 كجم[ندعوك للتسجيل في المنتدى أو التعريف بنفسك لمعاينة هذه الصورة]
الفطار
3/4 رغيف بلدى أوواحد ونص سن
1 زبادى منزوع الدسم
2 بيضة مسلوقة أو 5 معالق فول بليمون أو 2 قطعة جبنة قريش 50 جم
كوب شاى بلبن منزوع الدسم
الغدا
3/4 رغيف بلدى
3 مغرفة خضار نى ف نى
250 جم سمك مشوى أو أى بروتين مسلوق
طبق سلطة خضرا
بين الغدا والعشا
2 ثمرة فاكهة من نوع واحد (ماعدا الموز -المانجو -التين -العنب -البلح)
العشا
3/4 رغيف بلدى
150 جم لحم أحمر مسلوق أو بيضة مسلوقة
1 زبادى منزوع الدسم
50 جم جبن قريش
مسموح ب4 معالق سكر فى اليوم
2 كوب لبن منزوع الدسم زيادة
2 كوب عصير بدون سكر (ليمون -جوافة - برتقال)
مسموح بأى سوائل ساخنة ماعدا الحلبة والكاكاو
وبالتوفيق إن شاء الله [ندعوك للتسجيل في المنتدى أو التعريف بنفسك لمعاينة هذه الصورة]

ريجيم البسكويت
للى بيحبوا البسكوت[ندعوك للتسجيل في المنتدى أو التعريف بنفسك لمعاينة هذه الصورة]
(يخفف الوزن 2 ك ونص فى 10 أيام أو أسبوعين)
الفطار
4 واحدة بسكوت سادة والى مش بيحبوه ممكن يستبدلوه ب3 ثمرات فاكهة (ماعدا الممنوعات)
كوب شاى بلبن ب1/2 معلقة سكر أو كوب لبن منزوع الدسم
الغدا
1/4 فرخة أو 2 قطعة لحم أحمر أو 1/4 ك سمك مشوى
سلطة خضرا
خضار سوتيه
3/4 رغيف بلدى
العشا
زبادى منزوع الدسم بأى كمية +فاكهة صنف واحد بأى كمية
وممكن استبدال الزبادى بسلطة خضرا
مسموح ب2 أو 3 معلقة سكر فى اليوم على الأكثر
(وللمرضعات 2 كوب لبن منزوع الدسم زيادة +2 كوب عصير بدون سكر )
وبالتوفيق إن شاء الله

الريجيم الى هامشى عليه من بكرة بإذن الله
(من غير ضحك يابنات وماتنسوش أنه تثبيت)
الريجيم الحر[ندعوك للتسجيل في المنتدى أو التعريف بنفسك لمعاينة هذه الصورة]
الكمية المذكورة فى البرنامج توزع على اليوم كله ولكن بدون أى زيادة
4 شرائح صغيرة لحم مسلوق أو 1/4 دجاجة مسلوقة
2 طماطم و4 خيار
علبة تونة مصفاة من الزيت أو مغسولة بالماء جيدا
3/4 رغيف بلدى
2 برتقالة أو تفاح أو 3 خوخ
كوب لبن منزوع الدسم أو 2 زبادى
مسموح ب3 معالق سكر فى اليوم والمشروبات الساخنة مسموح بهابأى كمية[/COLOR]

ريجيم تثبيت
بدون حرمان[ندعوك للتسجيل في المنتدى أو التعريف بنفسك لمعاينة هذه الصورة]
الفطار
1/2 رغيف بلدى 2 زبادى منزوع الدسم + 2 موز + 3فراولة + معلقة كبيرة عسل نحل
أو
كرواسون أو باتيه + شريحة جبن رومى + خيار + شاى بلبن
الغدا
الأكل مشوى أو صينية بالفرن + 7 معالق رز مسلوق أو 3/4 رغيف + سلطة خضرا
العشا
1/4 رغيف لا+ 1/2 كوب لبن رايب كامل الدسم
وبالهنا والشفا

نظام تثبيت حنين عالآخر[ندعوك للتسجيل في المنتدى أو التعريف بنفسك لمعاينة هذه الصورة]

قبل الفطار 2كوب ماء على الريق
الفطار
كوب لبن منزوع الدسم أو زبادى (أنا باستبدله بجبنة قريش)
1/2 رغيف بلدى أو 1 فينوأو باتيه متوسط
3-5 معالق فول بزيت وليمون أو 2 بيضة مسلوقةأو شريحة رومى
2خيار +1 طماطم +جرجير
ثمرة فاكهة
مسموح بالمشروبات الساخنة بين الغدا والبعشا ب1/2 معلقة سكر أو معلقة
الغدا
لابد من تناول 2 ثمرة فاكهة قبل الغدا بربع ساعة+ كوب ماء
طبق السلطة عنصر أساسى لتثبيت الوزن
بروتين حيوانى مسلوق أو مشوى ا1/2 فرخة أو 1/2 ك سمك مشوى أو علبة تونةأو 3قطع لحم متوسطة
أو
بروتين نباتى سلطانية عدس أو سلطانية لوبيا أو فاصوليا أو طبق فول متوسط
طبق خضار نى *نى (التسبيك مرة واحدة أسبوعيا)
5-7 معلقة رز أو مكرونة أو 4 محشى كوسة أو باذنجان أو 10 ورق عنب أو كرنب أو رغيف بلدى
بعد الغدا ب1/2ساعة مشروب ساخنب1/2 معلقة سكر
بعد الغدا بساعة 2 ثمرة فاكهة +2 كوب ماء
قبل العشا بربع ساعة كوب شاى أخضر 2 فتلة بنص معلقة سكر
العشا
قبل النوم بساعتين على الأقل ويمكن الأختيار مما يلى
1-مثل وجبة الأفطار
2 -حلويات +شاى (مرتين خلال 15 يوم على الأكثر)طبق صغير 2قطعة جاتوه أو شريحة بسبوسة أو كنافة
فاكهة صنف واحد من المسموح +2 ثمرة من الممنوع(عنقود عنب أو 2 ثمرة منجة أو7 بلحات رطب )+خيار +قتة +خس بأى كمية + كوب زبادى

يلزم شرب 2 كوب ماء قبل النوم
5-7 ق تمارين ضغط أومايعادلها +10 ق تمارين بطن

يالا الريجيم الجديد
على الريق كوب لبن خالى الدسم بمعلقة عسل
الفطار:
1/2 رغيف بلدى+بيضة مسلوقة+حتة جبنة قريش+شاى بلبن
بين الفطار والغدا :
ثمرة فاكهة +كوب ماء كبير
الغدا:
طبق سلطة كبير +طبق خضار نى *نى +ربع فرخة أو100جم جبن قريش+1/2 رغيف بلدى +ثمرة فاكهة بعد الغدا بساعتين
بين الغدا والعشا كشاى بلبن
العشا:
2 زبادىأو كوب لبن منزوع الدسم +فاكهة صنف واحد بأى كمية
مسموح ب4 معلقة سكر فى اليوم

نظام B
الأفطار:
كوب لبن عالريق خالى الدسم +ملعقة عسل نحل
نوع واحد من الانواع الاتية:
1- 2 توست سن او نصف رغيف+قطعة جبنة نستو لايت او شريحة رومى +1 خيار +شاى بلبن سادة
2- نصف رغيف بلدى + بيضة مسلوقة + خيارة+ شاى بلبن
3- 3 معالق جبنة قريش + شريحة توست سن+ خيارة + شاى بلبن سادة

الغداء:نوع واحد من الانواع الاتية:
1- نصف فرخة + طبق سلطة +خضار +ثمرة فاكهة (جوافة- كمثرى - تفاح)+7 معالق ارز مسلوق
2- 5 معالق فول + 3/4 رغيف + طبق سلطة خضراء 1/2 كيلو
3- طبق سلطة خضراء + 5 ملاعق رز مسلوق+ 2 خيار +1/4 كيلو سمك مشوى

العشاء:
نوع واحد من الانواع الاتية:
1- 2 بياض بيضة + قطعة جبنة قرريش + نصف رغيف بلدى
2- كوب زبادى + 2 بياض بيضة + 2خيار + 1/2 رغيف بلدى
3- 2 ثمرة فاكهة صنف واحد + كوب زبادى+ نصف رغيف بلدى
السوائل: 2 كوب شاىاو 2 نسكافيه والباقى شاى اخضر او قرفة او جنزبيل على الا تزيد معالق السكر ف اليوم عن 4

ريجيم نونو::
عالريق برضه كوب لبن خالى بمعلقة عسل نحل
الفطار:
1/2 رغيف +بيضة او حتة قريش+زبادى خالى +شاى
بين الفطار والغدا:
تفاحة +كوب ماء كبير
الغدا :
طبق خضار نى*نى+طبق سلطة خضرا +1/4 فرخة او حتة لحمة أو سمكة مشوية+1/2 رغيف
بين الغدا والعشا2 ثمرة فاكهة +كوب شاى اخضر بمعلقة سكر
العشا:
1/4 رغيف+قطعة جبنة فيتا أو بيضة+حتة جبنة قريش+زبادى منزوع الدسم

الريجيم الأول
عشان الى عايزة تصوم من بكرة يا بنات
الأفطار:1/4 فرخة مشوية او فى الفرن أو أقل كمية لحمة أوطبق فول أو
عدس+طبق صغير رز أو مكرونة أو 1/2 رغيف اسمر+طبق سلطة فيها بقدونس وجرجير
وخس ا خيار
بين الفطار والسحور :مشروبات ساخنة (شاى عادى أو اخضر أو نعناع ينسون)+فاكهة بقشورها
السحورقبل الفجر ب1/2 ساعة:1/2 رغيف+زبادى خالى الدسم+جبن قريشأو فول+خيار +ثمرة فاكهة+ماء بكثرة
مسموح ب4 معالق سكر فى اليوم
يجب تجنب البيض
المشوى أفضل فى اللحوم
البصل والتوم مفيد جدالحرق الكلسترول لكنها مهيجة للمعدة والقولون
وبالتوفيق إن شاء الله
لاتنسونى من صالح دعائكم فى هذه الأيام المباركة

الريجيم الجديد
قبل الفطار:كوب لبن عالريق بمعلقة عسل نحل
الفطار:ثابت طول الأسبوع
ثمرة فاكهة +بيضة مسلوقة +2 خيار
العشاء:ثابت طول الأسبوع
جبنة قريش أو زبادى +خيار
أو 2زبادى طبق فاكهة (تفاح + برتقال+ جوافة)
الغدا متنوع كل يوم
الأول
أى كمية لحوم أوسمك مشوى أو فراخ +سلطة +خضار نى*نى
الثانى
سلطة فواكه أو فاكهة صنف واحد بأى كمية+2 زبادى
الثالث
نفس الثانى
الرابع1/4 فرخة+سلطة خضرا بدون طماطم+خضار نى*نى
الخامس
سلطة فاكهة أو فاكهة صنف واحد باى كمية+2 زبادى أو 2 جبنة قريش
السادس2 بيضة مسلوقة +سلطة خضرا بدون طماطم +خضار نى *نى
السابع
2 بيضة مسلوقة أو أى بروتين +سلطة+3 معالق سبانخ أو كوسة
مسموح ب 1 رغيف بلدى خلال اليوم
3 معالق سكر طوال اليوم

ريجيم مفتوووووووووووووووووووووووووووووووووووووووووووح
عالسربع
الريجيم الجديد عشان الى يحب يمشى عليه من السبت سامعة اشاعات قال ايه هتبدأوا أخييييييييرا
عالريق
كوب لبن منزوع الدسم بمعلقة عسل نحل
الفطار:
أختارى من تلاتة
1-بليلة بأى كمية +لبن منزوع الدسم
2-فول بأى كمية + سلطة خضرا +نص رغيف
3-كورن فليكسربأى كمية + لبن منزوع الدسم
بين الفطار والغدا:
ثمرة فاكهة +كوب شاى بلبن
الغدا:
بروتين مسلوق أو مشوى بأى كمية فراخ أو سمك أو لحوم + نص رغيف + سلطة خضرا + خضار نى *نى
بين الغدا والعشا:
2 ثمرة فاكهة + شاى أخضر أو قرفة
العشا:
أختارى من تلاتة:
1-بيض مسلوق بأى كمية + خيار أو خس
2-زبادى بأى كمية + خيار أو خس
3- جبنة قريش بأى كمية + خيار أو خس
مسموح ب3 معالق سكر فى اليوم
شرب 3 أكواب ماء معصور عليهم نص ليمونة أثناءالغدا والعشا

وبالتوفيق إن شاء الله

وبالتوفيق إن شاء الله[ندعوك للتسجيل في المنتدى أو التعريف بنفسك لمعاينة هذه الصورة]

دى نماذج وجبات أفطار وغدا وعشا أختارى منها الى يناسب ويوافق كمية
السعرات الحرارية اللازمة لك أختى بحيث لا تتجاوزى المسموح لك فى اليوم[ندعوك للتسجيل في المنتدى أو التعريف بنفسك لمعاينة هذه الصورة]

نماذج أفطار

أفطار 1(300 سعر)

كوب شاى بحليب 50 سعر
1 بيضة مسلوقة 80
قطعة جبن قريش 50
ربع رغيف فينو 120

أفطار 2(310 سعر)

كوب شاى بحليب 50 سعر حرارى
1 بيضة مسلوقة 80
ربع رغيف بلدى 105
1 برتقالة أو يوسفى 350 جم 75 سعر

أفطار 3 (370 سعر)

كوب لبن حليب 200 سعر
قطعة جبن قريش 50
ربع رغيف بلدى 120

أفطار 4 (360 )

كوب شاى بحليب 50 سعر
2 بيضة أومليت 160
+ معلقة سمن صغيرة 45
ربع رغيف بلدى 105

أفطار 5 (410سعر)

كوب شاى بحليب 50 سعر
4 معالق فول 210
+معلقة زيت صغيرة 45
ربع رغيف بلدى 105

أفطار 6 (420سعر)
كوب نسكافيه بمعلقة واحدة لبن بودر 60 سعر
قطعة جبن أبيض 50 جم 120 سعر
نصف رغيف فينو 240

أفطار 7 (505 سعر )

كوب شاى بحليب 50 سعر
قطعة جبن أبيض 50 جم 120 سعر
اطماطم 150 جم 35 سعر
2 معلقة زيت صغيرة 90
نصف رغيف بلدى 210

أفطار 8 (410 سعر)

كوب شاى بحليب 50 سعر
4 معالق فول 210
+ معلقة زيت صغيرة 45
نصف رغيف بلدى 210
وبالتوفيق أخواتى فىالله[ندعوك للتسجيل في المنتدى أو التعريف بنفسك لمعاينة هذه الصورة]

أمثلة للعشاء:
عشاء (1) يتكون من 215 سعر حرارى
علبة زبادى 100 جم 60 سعر
قطعة جبن صقريش 50 جم 50 سعر
ربع رغيف بلدى 105 سعر

عشاء( 2 )يتكون من 415 سعر حرارى
2 معلقة زيتون اسود 205 سعر
نص رغيف بلدى 210 سعر

عشاء (3) يتكون من 415سعر
2 بيضة اومليت 160 سعر
معلقة سمن صغيرة 45 سعر
نص رغيف بلدى 210 سعر

عشاء (4 ) يتكون من 550 سعر
2 شريحة مخ (200جم) 250 سعر
2 معلقة سمن صغيرة 90 سعر
نص رغيف بلدى 210 سعر

عشاء (5) يتكون من 685 سعر2 أصبع سجق( 100 جم) 475 سعر
نص رغيف بلدى 210 سعر

عشاء (6) يتكون من 840 سعر
طبق كشرى مصرى (ممممممممممم)[ندعوك للتسجيل في المنتدى أو التعريف بنفسك لمعاينة هذه الصورة]مكون من
6 معالق رز 330 سعر
4 معالق مكرونة 220 سعر
4 معالق عدس 225 سعر
تقلية بصل 55 سعر
وبالهنا والشفا[ندعوك للتسجيل في المنتدى أو التعريف بنفسك لمعاينة هذه الصورة]
أمثلة للغداء

غداء(1) يتكون من 565 سعر حرارى
طبق سلطة 1/2 ك 105 سعر
خضار سوتيه 200 جم
(جزر -فاصوليا -كوسة ) 115 سعر
شريحة لحم 100 جم مسلوق أو مشوى 240 سعر
تفاح واحدة 150 جم 105 سعر

غذاء (2) يتكون من 615 سعر
طبق سلطة 1/2 ك 105 سعر
5 معالق فول مدمس 260 سعر
+ معلقة زيت كبيرة 115 سعر
نصف رغيف خبز 240 سعر
برتقال او يوسفى 200 جم 105 سعر

غذاء (3) يتكون من 655 سعر
طبق سلطة 1/2 ك 105 سعر
طبق شوربة خضار250 جم
(جزر - اصوليا - كوسة ) 180 سعر
ربع فرخة 20 جم مسلوقة او مشوية 300 سعر
بطيخ او شمام 250 جم 70 سعر

غذاء (4) يتكون من 700 سعر
طبق سلطة 1/2 ك 105 سعر
ربع ك سمك مشوى 380 سعر
4 معالق أرز كبيرة أو 1/2 رغيف بلدى 210 سعر
بطيخ أو شمام 250 جم 70 سعر

غذاء(6) يتكون من 795 سعر
طبق سلطة 1/2 ك 105 سعر
8 معالق خضار مطبوخ(سبانخ مثلا) 140 سعر
قطعة لحم 100جم 240 سعر
نص رغيف 210 سعر
مانجو 150 جم 100 سعر

غذاء (7) يتكون من 855 سعر
طبق السلطة أياه 105 سعر
8 معالق خضار مطبوخ (بامية) 180 سعر
شريحة لحم احمر 100 جم 240 سعر
6 معالق مكرونة 210 سعر
جوافة (2 واحدة) 120 سعر

غذاء (8 ) يتكون من 900 سعر
طبق سلطة الى انتو حفظتوه 105 سعر
(خيارة + خسة + طماطماية)
8 معالق لوبيا أو فاصوليا 260 سعر
معلقة زيت كبيرة 115 سعر
نص رغيف بلدى 240 سعر
موزة 100جم 105 سعر
وبالهنا والشفا[ندعوك للتسجيل في المنتدى أو التعريف بنفسك لمعاينة هذه الصورة]

جدول السعرات الحرارية لبعض الأطعمة
دهون ومكسرات وفواتح شهية
الصنف السعرات الحرارية لكل 100 جم
الدهونزبدة 800
زيت 900
سمن بلدى 900
سمن نباتى 795
المكسرات
بندق 634
جوز 651
جوز هند 650
زبيب 300
سمسم 595
فستق 594
فول سودانى 585
قراصيا مجففة 150
لب أسمر 563
لب أبيض 554
لوز 598
مشمش مجفف 270
البقوليات والنشويات

ارز مسلوق 116
باتيه (واحدة) 230
بيتزا بالجبن 236
بيتزا بالسجق 234
ترمس 372
حمص الشام 350
خبز أبيض 243
خبز أسمر 229
خبز توست 229
خبز شعير 250
عدس جاف 340
عدس شوربة 100
شعرية 65
طحين ذرة 350
طحين قمح 345
فطير رقائق 358
فول مدمس 340
فول نابت 112
فيشار 286
لوبيا جافة 340
مكرونة مسلوقة 115
فواتح الشهية
باذنجان مخلل 105
بيضة مسلوقة 80
زيتون أخضر 70
زيتون أسود 85
طحينة ( معلقة كبيرة ) 105
طرشى أفرنجى 65
طرشى بلدى 75
وبالهنا والعافية
[ندعوك للتسجيل في المنتدى أو التعريف بنفسك لمعاينة هذه الصورة]
جدول سعرات حرارية لبعض الأطعمة
اللحوم المصنعة
الصنف السعرات الحرارية لكل 100جم
بسطرمة 280 سعر
سجق 592 سعر
لانشون 172 سعر
لانشون معلب 294 سعر
بيف برجر 286 سعر
الأسماك
أم الخلول 50 سعر
بطارخ مشوية 260
بلطى 100
بورى مدخن 85
بورى مشوى 170
تونة معلبة 280
جمبرى 90
رنجة مدخنة 189
سردين معلب 294
سالمون مشوى 108
سالمون مدخن 161
سمك موسى مقلى 241
سمك موسى مدخن 50
سمك مرجان 70
سمك أنشوجة 140
سمك قاروص 67
سبيط 61
كابوريا 94

ودى وصفات لأكلات لذيذة وصحية نقدر
نعملها باستمرار عشان نغير أسلوب أكلنا للأسلوب الصحى الى يقلل الدهون
والكربوهيدرات ومافيش مانع نعك من حين لآخر
(صينية الباذنجان فى الفرن)مسقعةالريجيم:
المقادير:1 ك باذنجان ½ ك فلفل
بصلة كبيرة و5 فصوص ثوم
½ ك طماطم
ملح وفلفل
الطريقة:
نقشر الباذنجان ونقطعه حلقات أو مكعبات حسب ماتحبى
ننظف الفلفل ونقطعه برضه زى ماتحبى وكذلك الطماطم والبصل والثوم
نحطهم كولهم فى صينية أو طاجن وعليهم الملح والفلفل ونكمل بالماء وممكن إضافة ½ معلقة صلصة عشان اللون
نرفعهم على النار لحد مايغلوا وبعد كده نكمل سواهم فى الفرن أو ممكن
نسيبهم على البوتاجاز من فوق بس الفرن بيديهم لون حلو وطعم الطاجن
وبالهنا والشفا
ايه رأيكم نحلى بمثلجات كووووووولنا بنحب الآيس كريم بس سعراته عالية قوى
طيب ممكن نعمل جرانيطة الفراولة طعمها رائع وسعراتها الحرارية أقل بكتيروطريقة عملها بسيطة جداااااا
المقادير:1 ك فراولة
سكر (حسب الرغبة ) كل مانقلل السكر طبعا يكون أحسن ممكن ½ كوب كفاية قوى
1و1/2 كوب ماء
الطريقة :ننظف الفراولة و نغسلها كويس وبعدين نضيف لها السكر والماء ونضربها فى الخلاط
نغرفها فى أكواب ونضعها فى الفريزر حتى تتجمد وبالهنا والشفا

صنف حلو تانى لذيذ وسعرات بسيطة جدا
زبادى بالفواكه
وده مش محتاج مقادير ولا حاجة هتجيبى الزبادى وتقطعى عليه الفاكهة الى
تحبيها (طبعا سعراتها قليلة زى الفراولة أو الخوخ )ومن غير سكر كفاية سكر
الفاكهة
وممكن تستبدلى الزبادى بالرايب واااااااااااااااااااااااو يجنن وبالهنا والشفا
يالا بقه هاقولكم وصفتين يارب يعجبوكم
المكرونة بالباشميل الى كووولنا بنموت فيها ممكن
نعملها بطريقة بسيطة ونستمتع بطعمها بس من غير مانخزن سعرات كتير فى
اجسامنا كل الحكاية اننا هنستبدل الباشميل بالجبن قليل الدسم والله طعمها
رااااااااائع
المقادير:
كيس مكرونة
150 جم لحمة مفرومة
بصلة مفرومة
6 شرائح جبن شيدر قليل الدسم أو مبشور موزاريلا نصف دسم(200 جم منها تساوى 80 سعر حرارى) أو اى نوع جبنة تحبيه بس قليل الدسم
2 بيضة +ملح وفلفل
الطريقة:نسلق المكروتة ونصفيها ونعصج اللحمة
المفرومة مع البصلة بدون دهون (كفاية الى بتبقى موجودة فى اللحم)وممكن
إضافة قليل من عصير الطماطم ونظبط الملح
نخلط المكرونة مع البيض ( هو الى هيخليها تتماسك) ونتبلها بالملح والفلفل
ثم نحط نصفها فى صينية ونحط الحشوة من اللحمة وبعد كده نحط النصف التانى
من المكرونة ونرش عليهم الجبنة المبشورة او نرص الشرائح وندخلها الفرن حتى
تتماسك والجبن يسيح وبألف هنا وشفا

يالا نحلى بقه:
سلطة الفواكه
طبق صيفى ممتاز مليان فيتامينات ولا يزيد الوزن ابدا بالعكسرده مليان ألياف
المقادير:نختار الفواكه قليلة السعرات زى
التفاحو المشمش والخوخ والفراولة والبرتقال والجوافة والكثرى والبرقوق الى
موجود وخير ربنا كتير ونبعد عن الموز والمانجو والعنب والتين ألخ ألخ الخ
ممكن 1 معلقة سكر بس للطبق كفاية قوى نذوبها فى كوب ماء
الطريقة:
نغسل الفاكهة ونقطعها مكعبات ونضيف لها كوب الماء بالسكر وبسسسسسسسسس
بالهنا والشفا
[ندعوك للتسجيل في المنتدى أو التعريف بنفسك لمعاينة هذه الصورة]

محشى قليل السعرات

شوفى المسألة بسيطة
معظم الخضراوات الى بنحشيها سعراتها قليلةزى الكوسة والباذنجان والكرنب
ألخ يبقى المشكلة فى الخلطة والحكاية مش محتاجة مقادير ولا حاجة
نقلل الرز الى بنحطه فى الخلطة ونكتر الطماطم والبقدونس والبصل ونلخبط المقادير كلها مع بعض ونظبط الملح يعنى مثلا :
1 ك كوسة
1 كوب أرز
1/2 ك طماطم
2 ربطة بقدونس
عودين نعناع أخضر
بصلة كبيرة مفرومة
ملح وفلفل
زيت قليل جدا
الطريقة
فيه حاجتين مهمتين
أول حاجة ننقع الرز شوية حجمه هيكتر وفى نفس الوقت سعراته هتفضل زى ماهى
تانى حاجة نملا نص الكوساية او الباذنجانة بس والرز هيزيد ويملاها بعد النضج
بعد كده نرص الكوسة فى الحلة و نسقى المحشى اما بشوربة مخففة بالماء(عشان نقلل الدسم )
وأما ب 1/2معلقة معجون طماطم مذوبة فى الماء ونظبط الملح
نرفعه على النار حتى تمام النضج وبكده لوكلنا نفس عدد أصابع المحشى الى متعودين ناكلها بنصف كمية السعرات تقريبا
وبالهنا والشفا

منقول

من طرف **عادل** السبت يناير 02, 2010 8:47 pm

شكرا لك وجزاك الله خيرا

من طرف يويو السبت مايو 01, 2010 1:31 pm

[ندعوك للتسجيل في المنتدى أو التعريف بنفسك لمعاينة هذه الصورة]

تجربتى مع الريجيم

تجربتى مع الريجيم

رد: تجربتى مع الريجيم

رد: تجربتى مع الريجيم