ملف شامل لجميع المأكولات الصحيه والقليلة السعرات

من طرف **محمد** الجمعة أغسطس 29, 2008 5:11 pm

حبيت أخصص هذا الموضوع للأطباق الصحيه او القليلة السعرات والسهله الاعداد وتكون بنفس الوقت خفيفه ولذييييذه

سواء حلى .. اطباق رئيسيه .. او سلطات
...

خلونا نتحمس على الصحه شوي ونجمع اكبر عدد ممكن من الطرق والوصفات الصحيه و الشهيه في نفس الوقت

السعرات الحراريه :
حوالي 400 للشخص الواحد
السجق : 200 سعره للأصبع
المكرونه المسلوقه : 180 للكوب
البروكلي : 100 غرام = 50 سعره
المشروم : 100 غرام = 28 سعره

مكرونة السجق ( الهوت دوق ) والخضار

المقادير :

1-المكرونه اللتي تفضلينها
2-بهارات
3-هوت هدوق وانصح بماركة ( الكبير ) أو اللي بلحم النعام ( يبيعونه بجيان والسوبرماركتات الكبيره ) >> يجنننن !
4-مشروم
5-بروكولي ( افضل شيء المجمد )

صلصه بيضاء خفيفه :

كوب ماي _ ملعقة طعام طحين + ملعقة طعام حليب بودره + جوزة الطيب

الطريقه :

ماكو اسهل منها
...

تسلقين المكرونه
وتقظعين الخضار بالطريقه اللي تبينها والهوت دوق .. تحطينهم بقدر كبير وتسوينهم على النار .. مع البهارات اللي تحبينها
بعد كذا تاخذين المكرونه وتحطينها فوق الخضار والهوت دوق وتخلطينهم وتضيفين الصلصه .. وتخلينه شوي على نار هادئه
وقبل التقديم .. تحطين في الطبقه الفوقيه جبن كرافت مبشوور .. بس حاولوا تقللون او تستغنون عنه للناس الي تحسب كالوريز
...

عصير طاازج ومنعش (( يغني عن الآيس كريم ))

حوالي 78 سعره

طبعا انتوا توازنون بالمقادير وتحسبون اللي تبون مع العلم انه كثير شركات يحطون السعرات الحراريه الموجوده بالمنتج فمو شرط السعرات اللي انا اكتبها تكون مره دقيقه بس قريبه جداً

السعرات الحراريه :
الفراوله : 100 غرام = 28 سعره ! << مره قليل
...

الحليب : نص كوب 60 سعره
السكر : ملعقة كبيره 45 سعره

المقادير :
فراولة مجمده
حليب قليل الدسم
القليل من الماء والثلج
القليل من السكر ( ملعقة صغيره )

الطريقة :
توضع الفراوله وقليل من الحليب و قليل من الماء ( عشان يصير Smoothy ) زي الأيس كريم , وقطعة صغيره من الثلج .. وتخلط ..

عصير منعششششش جداً وصحي ولذييييذ