رد: يوميات موظفة من البيت للشغل للعيال للزوج طبعا...خليكي معانا

من طرف roidaa الأربعاء يناير 27, 2010 12:26 pm

النهارده وانا بادور في النت عن حاجه تظبطلي الميزانيه باعتباري لسه يعني حديثه الزواج وفعلا ملخبطه في الموضوع ده شويه ممكن نقول حاولت اطبق حاجه من اللي قريته في الميزانيه وتظبيطها _وهنتكلم عن جزء الميزانيه بالتفصيل ان شاء الله بعد كده_
فقلت النهارده انزل السوق وحددت الفلوس وعددها واللي هاشتريه وكده وقلت منها الواحد يستعد للشهر اللي جاي ان شاء الله
اي نعم مش هاشتري كله باعتباري لسه في اخر الشهر بس قلت اهي خطوه تدريبيه...
بس خطر في بالي اجيب شويه طماطم للصلصه وانا باشتري فقلت وليه ماجيبهاش
علي بعض واعملها صلصه عندي بدل كل شويه ما انزل السوق وكده واجيبها تاني ..
فدورت في النت علي حفظ الاكل وتفريزه في الفريزر يعني فلاقيت موضوع بسم
الله ما شاء الله والله في معلومات فادتني جدا هانقلكم زي ماقلت اللي
هيفدنا منها ومنها نطبق ونستفيد مع بعض
ايه رايكم؟؟؟؟؟ يوميات موظفة من البيت للشغل للعيال للزوج طبعا...خليكي معانا - صفحة 2 Thumbup

يوميات موظفة من البيت للشغل للعيال للزوج طبعا...خليكي معانا - صفحة 2 Thumbup

من طرف roidaa الأربعاء يناير 27, 2010 12:30 pm

هنبدأ باول حاجه ازاي نحفظ البشاميل نقلته لكم زي ماقريته السؤال والاجابات عليه.........

بسم الله الرحمن الرحيم
السلام عليكم ورحمة الله وبركاته

اخواتي مين جربت تحفظ البشاميل في الفريزر وكم مدة الحفظ وجزاكن الله خيرا0

مرة عملت مكرونة بالباشميل و اتبقي باشميل و حفظته في الفريزر في كيس
بلاستيك و استخدمته بعد كده بس فعلاً مش فاكرة فترة حفظه بس هي أكيد أكتر
من أسبوعين و ممكن تكون شهر أنا مش فاكرة فعلاً
لكن لما استخدمته بعدها كان كأني لسه عاملاه

واخري قالت

بنات عندي لكم الخبر اليقين ومابي منكم الا دعواتكم والاستفادة ..
انا مرة شفت في برنامج ريتشار ري اللي في ام بي سي 4 تقول عادي اعملو
الباشميل واحتفظوا فيها بس لازم تحفظونها جيدا في الفريزر حتى لو مدة
اسبوعين وتقول الطعم ما راح يتغير عاد انا ناويه اعملها حق رمضان اتمنى
اكون افدت الجميع ..
طبعا هي كانت عاملة مكرونه بالبشاميل واللحمه وقالت عادي يحفظ ..
اكيد حتى الباشميل بالحاله يحفظ عادي وسلامتكم ..
انا سالت اختنا هنا فى المنتدى وقالت لى ممكن احفظه عادى فى الفريزر وبعدين قبل الاستخدام نقلبه قليلا على النار

------------------------------------------------------------------

وممكن نحفظ الصينيه كلها بدون ما تتغير
انا اذا سويت مكرون بالباشميل لازم اسوي اكثر من صينيه لانها متعبة سلق
وكشنة وباشميل فاسوي ثلاث صواني صغار مكرونة باشميل واغلفها وبعدين اسوي
وحدة والباقي افرزنة اي يوم مالي نفس اطبخ اطلعها وبالفرن وخلاص لكن
باشميل لحالها ماجربت ولكم الشكر
------------------------------------------------------------------

سويها بس لا تدخلينها الفرن يعني حطي المكرونة واللحم والبشاميل وحطيها
بالفريزر بدون غطاء حتى تبردوتثلج شوي بعدين غلفيها بنايلون وخلاص بلفريزر
لو شهر ماتضر واذا تبغين تسوينها طلعيها خليها تفك بري شوي بعدين دخليها
الفرن وبالعافيه
-------------------------------------------------------------------

لاي وقت يجون ضيوف فجأة تكونين على اتم استعداد...
--------------------------------------------------------------------

من طرف roidaa الأربعاء يناير 27, 2010 12:32 pm

ولاقيت ده

انا دائما اعمل البشاميل بكمية كبيرة و ضعها فى اكثرمن اناء البايركسرو اغلفها بورق النايلون و اضعها فى الفريزر
وتكون جاهز لاستعمال

و يمكن اخليها احيانا اكثر من شهر يعنى على حسب التساهيل

و عند خروجها من الفريزر و يذوب الثلج منها اضع عليها الجبن و ادخلها الفرن

و تكون كانها طازجة لتو
بس جربي بكمية قليلة وشوفي وش النتيجة وان شاء الله تمااااااااام

من طرف roidaa الأربعاء يناير 27, 2010 12:42 pm

ودي طريقه البشاميل
المقادير بالظبط :

3 ملاعق سمن
و3 ملاعق دقيق
ونصف كيلولبن
وكوب شوربه كبير

الطعم هتلاقيه تحفة....... اما بالنسبة للجبنة ممكن تحطى شويه ضغيرين
جوه الباشميل والباقى على الوجه او تحطى كل الجبنة على الوش من فوق

بصراحه انا مجربتش الشوربه و الجبنه معاها بس لاقيتها كده..

من طرف roidaa الأربعاء يناير 27, 2010 1:08 pm

هاكملكم بعدين ان شاء الله
بس عاوزه رأيكم؟؟؟

من طرف roidaa السبت يناير 30, 2010 7:02 pm

غرف المعيشه:

1-قومي برفع الستارة و افتحي الشباك حتى يتجدد الهواء

2_ قومي بتنظيف الكتب بنفض الوسائد و تنظيف أطراف الكنب إذا كان من الخشب بمنشفة مبلوله
(ناشفه افضل او بفرشاة لتنظيف الاتربة )

3-تنظيف الطاولات و المكتبة و التلفاز و الإكسسوارات الموجودة عليها وشاشه التلفاز والكمبيوتر
(دي بقماشه مبلوله)

4_ قومي بترتيب وسائد الكنبة

5-_ اكنسي الأرض أو السجاد

من طرف roidaa السبت يناير 30, 2010 7:04 pm

تنظيف الحمام:

1-تنظيف المرحاض بالفرشاة والكلور اوأى سائل تنظيف الحمامات مثل هاربيك والبطه و الفلاش و..............

2- تنظيف الارضيه بالممسحه (وتشيلي اي فرش تهويه لو حمامك فيه مشايه او كده)

3- وتنظيف الحوض ومسحه (وكمان البانيو لو عندك بعد الاستحمام امسحيه مش هيلم التراب زي لو تسيبيه)

من طرف roidaa السبت يناير 30, 2010 7:05 pm

المطبخ:

1-قومي بغسل جميع الصحون و الأدوات التي قمت باستخدامها للطبخ في فترة انتظارك استواء الطعام
(احسن حاجه لاقيتها غسل المواعين اول باول بعد كل وجبه كنت قريتها بصراحه)

واذا تبقى احضرى طبق كبير وامليه مياة ساخنه وصابون سائل وانقعى فيه كل الصحون والكوبايات والمعالق هيسهل عليكى غسلهم..

2- قومى بتنظيف الحوض بالسلكه والليفه بعد الانتهاء من غسيل الصحون

3-قومى بمسح البوتجاز و جميع اسطح المطبخ وباب الثلاجه

4- قومى باخراج أكياس القمامه واستبدالها بأخرى

5- قومى بكنس الأرضيه

======================
برنامج التنظيف اليومي يستغرق ساعة تقريبا

من طرف roidaa السبت يناير 30, 2010 7:06 pm

موضوع قريته من
منتدى ثاني حبيت انقله وليه علاقه بموضوعنا الترتيب اليومي ان شاء الله
اسمه طريقه الاستغناء عن الخادمه :
ده اللي نقلته

قرأت في المنتدى اكثر من مرة مشاركات لاخوات يشتكين من عدم قدرتهن على ترتيب منازلهن او تنظيفها بالشكل الذي يرينه مرضيا .

وبما ان لدي بعض الخبرة في هذا المجال .. وهي خبرة تكونت من خلاصة
مشاهداتي وملاحظاتي على مر السنين لمنازل نظيفة واخرى غير ذلك وهي
المشاهدات التي حرصت على ان استفيد منها حين اصبح لي منزل مسؤولة نظافته
وترتيبه..

وبما اني ربة منزل مثل معظم ربات البيوت تحب ان تنظف احيانا و( تكسل )
احيانا أخرى فقد حاولت قدر امكاني ان اجد طريقة تسهل علي التنظيف باقل
مجهود وافضل نتيجة

واخيرا خرجت بهذه النقاط التي انصح نفسي بها اولا قبل الجميع واتمنى ان تشاركوني قرائتها ..

حاولي
الاستيقاظ مبكرا دائما فإن لم تستطيعي ذلك في كل الايام فعلى الاقل حاولي
ان يكون ذلك من وقت لآخر وفي هذه الحالة كلما استيقظت مبكرة استغلي الفرصة
للقيام بعمل لايتكرر يوميا واتركي الاعمال الروتينية للايام الأخرى , إذا
تعذر عليك الاستيقاظ المبكر نهائيا فحاولي على الاقل ان يكون لك موعد شبه
ثابت في الاستيقاظ والنوم ثم رتبي يومك على اساس هذا الموعد
( يمكنك برغم ذلك الحصول على منزل نظيف حتى لو لم تكوني ممن يستيقظون مبكرا او في مواعيد محددة لكن النظافة في الحالة الاولى اسهل ).

حددي
لكل شئ مكان ثابت ولاتتركي شئ ابدا بدون مكان معروف له ولو كان جريده,
فاكثر مايؤدي لعدم نظافة المنزل هو وجود اشياء مبعثرة أو مكومة في مكان ما
كطاولة او زاوية او كرسي. كل شئ في المنزل يجب ان يكون في درج أو على رف
او حتى صندوق المهم ان يكون المكان محدد وخاص به دون تكديس .
ضعي
بكل غرفة سلة صغيرة للقمامة وتعودي وعودي ابنائك على القاء كل شئ بها من
مناديل ورقية واكياس زائده.. الخ وكوني حريصه اشد الحرص على عدم القاء اي
شئ قابل للتعفن او التلف بها حتى لاتضطري لافراغها بشكل يومي .

ارفعي
الطعام مباشرة بعد الانتهاء منه وضعيه في المطبخ وليس ضروريا ان تغسلي
الاطباق في نفس اللحظة المهم ان لاتتركي اي من ادوات الطعام او بقاياه في
اي مكان بالمنزل عدا المطبخ .

اذا
كان تنظيف المنزل كاملا يشق عليك فخصصي لكل غرفة يوم لتنظفيها بشكل كامل
نظافة زائدة .. رتبيها , ونظفي السقف والجدران من الاتربة والعنكبوت ,
نظفي اسفل الاسرة وفوق الدواليب , اغسلي الارضية .. اغسلي الشبابيك ...
ألخ , يمكنك ان تطلبي مساعدة ابنائك في غسيل الجدران إن كانت بحاجة إلى
ذلك .. وفي هذا اليوم نظفي بقية الغرف نظافة عادية .. وهكذا كل عدة ايام
نظفي غرفة اخرى حتى يصبح المنزل كله نظيف مما يسهل عليك متابعة عملية
التنظيف الروتينية له .

إحرصي دائما على غسيل ملاءات السرير والمفارش وماشابه كذلك اغسلي الورود والنباتات الصناعية من وقت لآخر ( بالماء فقط).

إن
لم تستطيعي غسل إكسسوارات المنزل الكمالية كالستائر مثلا بشكل منتظم وكانت
تتسخ دائما فارفعيها فعدم وجود الشئ خير من وجوده وهو شديد الاتساخ .

في
الايام التي تعلمين انك بحاجة إلى بذل مجهود زائد في النظافة .. حضري
الطعام في اليوم السابق او احضريه من الخارج حتى لاتشغلي نفسك بالطبخ
والتنظيف في نفس الوقت .

إبدئي
دائما بتنظيف الغرف السهلة ثم تدرجي إلى الاصعب . ( أثناء التنظيف اليومي
لاتبالغي في تنظيف غرفة طالما تعلمين ان عملا اخر ينتظرك فلا تغسلي الاثاث
مثلا ومازال لديك اكوام من الصحون في المطبخ بحاجة إلى غسيل ).
تهوية
المنزل هامة جدا حاولي دائما فتح الشبابيك صباحا اثناء قيامك بالتنظيف , (
ليست هذه الخطوة اساسية خاصة وإن كان الجو باردا جدا او حارا جدا ولكن
قومي بها كلما امكنك ذلك ).

من طرف roidaa السبت يناير 30, 2010 7:08 pm

ويتبع ان شاء الله.....

من طرف roidaa الأربعاء فبراير 03, 2010 3:51 pm

بصو كده هنا ياجماعه دي خبره واحده لسه متجوزه قريب نقلتها ليكم وطبعا الكلام ده هيفيد كتير لو في شغل كمان ان شاء الله :
سنة اولى جواز ..... نصائح مهمة جدااا لكى يا عروسة ... هاتى ودنك
نصائح مهمة اوى لسنة اولى جواز

عروسة جديدة..
بقالك كام أسبوع..
أو عروسة.. وقدامك كام شهر أو كام يوم وتدخلي القفص الذهبي...
خايفة ومحتارة ومش عارفة تعملي إيه في العالم والحياة الجديدة اللي أنتِ داخلة عليها دي..

وخصوصا إنك خلاص هتسيبي بيت بابا وماما وهيكون لك بيتك الخاص اللي أنتِ مسئولة عن كل حاجة فيه من الألف للياء...

تجهيز طلبات البيت!

بعد انتهاء شهر العسل وانتهاء أيام العزومات اللي
كانت في بداية الجواز النهارده عند أختي بكرة عند خالتي، النهارده عند
والدتي، وغيرها من العزومات اللي بتكون في بداية الزواج....

جه الدور عليكِ يا عروسة علشان تروحي السوق تجيبي طلبات البيت وتدخلي المطبخ وتعملي الأكل يوميات موظفة من البيت للشغل للعيال للزوج طبعا...خليكي معانا - صفحة 2 Marsa187

يوميات موظفة من البيت للشغل للعيال للزوج طبعا...خليكي معانا - صفحة 2 Marsa187

أصل مش معقول يعني جوزك يروح الشغل وييجي يلاقيكِ مش عاملة الأكل، ممكن
أول مرة يعديها ويقول لك ولا يهمك يا حبيبتي هنطلب دي دليفري النهارده،
وممكن تاني مرة برضه يعديها ويقول لك ولا يهمك هننزل ناكل بره...

بس أكيد الوضع ده مش هيستمر على كده على طول أكيد هييجي في مرة ويقول لك فين الأكل هتقولي بكل بساطة ماعملتش أكل النهارده..

هيقول لك ليه؟؟ في إيه؟؟؟ يوميات موظفة من البيت للشغل للعيال للزوج طبعا...خليكي معانا - صفحة 2 Marsa138

يوميات موظفة من البيت للشغل للعيال للزوج طبعا...خليكي معانا - صفحة 2 Marsa138

ده حتى الثلاجة كمان فاضية مافيش فيها أي حاجة تتاكِل..

هتقولي له بصراحة طلبات البيت خلصت وأنا مش باعرف أجيب طلبات للبيت وكمان مش باعرف أطبخ قوي.. أصلي ماخدتش على كده في بيت أهلي، يوميات موظفة من البيت للشغل للعيال للزوج طبعا...خليكي معانا - صفحة 2 Marsa50

يوميات موظفة من البيت للشغل للعيال للزوج طبعا...خليكي معانا - صفحة 2 Marsa50

ماما هي اللي كانت بتعمل كل حاجة... "من الآخر كده أنا مش باعرف أي حاجة نهائي".

في الوقت ده قدامه حل من الاتنين، إما يتصل بمامتك ومامته ويقول لهم
تعالوا شوفوا بنتكم وعلموها ازاي تروح تشتري طلبات البيت وازاي تطبخ...

وبكده يا حلوة يبقى إنتِ اللي دخلتِ حماتك ومامتك بإيدك في حياتك يوميات موظفة من البيت للشغل للعيال للزوج طبعا...خليكي معانا - صفحة 2 Icon_cool

واستحملي بقى المشاكل اللي هتحصل بعد كده خاصة لو كانت حماتك ومامتك من نوعية "ماري منيب" و"ميمي شكيب" في فيلم "حماتي ملاك".

أو إنه يرضى بالأمر الواقع ويقول لك طيب ولا يهمك اتعلمي واحدة واحدة وفي الحالة دي هتلاقي نفسك محتاجة لحد يساعدك.
علشان كده قررنا إن احنا كمان نساعدك ونقول لك على الحل المفيد..
يوميات موظفة من البيت للشغل للعيال للزوج طبعا...خليكي معانا - صفحة 2 Icon_razz

ونقول لك كمان على أحسن الطرق اللي بيها ممكن إنك تشتري كل طلبات بيتك
بسهولة جدا في ثلاث خطوات وبس من غير ما تحتاجي أي مساعدة من حد غريب..
إنتِ طبعا فاهماني ..
وكمان هنقول لك ازاي إنك تحتفظي بالحاجات دي لأطول فترة ممكنة ده بالإضافة إلى الأساسيات اللي بيها ممكن تجهزي الأكل.. نشوف مع بعض
الخطوة الأولى
هاتي ورقة وقلم وادخلي المطبخ

قبل ما تنزلي تشتري طلبات البيت هاتي ورقة وقلم وادخلي مطبخك وشوفي إيه
اللي ناقص عندك في المطبخ واكتبي "لِستة" بالحاجات اللي إنتِ محتاجة لها.

بعد كده شوفي معاكِ كام بالضبط وفي حدود اللي معاكِ اعملي فلترة للحاجات اللي إنتِ محتاجة لها بحيث إنك تشتري الأهم فالمهم..

طبعا دلوقتي بتسألي نفسك وتقولي إيه ده هو كل يوم هاروح السوق أجيب طلبات للبيت ولاّ إيه؟؟

هاقول لك: "لا طبعا لأنك ببساطة شديدة ممكن إنك تجيبي طلبات تكفيكِ من أسبوع إلى أسبوعين وتشيليها عندك في الثلاجة".

وياريت كمان إنك في اليوم اللي هتجيبي فيه طلبات البيت تصحي من بدري
وتروحي السوق وده علشان تلاقي الطلبات اللي إنتِ عايزاها قبل ما الحاجات
تخلص من السوق.

الخطوة الثانية
وإنتِ في السوق

بعد ما حددتِ الطلبات اللي إنتِ عايزاها والكمية اللي إنتِ عايزاها هتنزلي السوق أو السوبر ماركت وتجيبي الطلبات اللي إنتِ عايزاها..
وعلشان تبقي ناصحة وماحدش يضحك عليكِ لازم تكوني عارفة ازاي تختاري طلبات البيت..

يعني مثلا لو كنتِ هتشتري:
• طيور، زي "الفراخ أو الحمام أو البط"
لو هتشتريها صابحة من عند الفرارجي يبقى خدي بالك إن جلدها يكون متماسك
وكله لون واحد ومافيش عليه أي آثار للكدمات أو إنه يكون مزرِق مثلا.

لو هتشتري الطيور دي من عند السوبر ماركت أكيد طبعا هتكون مجمدة.. في
الحالة دي تاخدي بالك إن مايكونش فيها أي آثار للماء أو بلورات الثلج يعني
تكون متجمدة كويس وتاخديها وتروحي على البيت على طول وتحطيها في الفريزر
علشان ماتديش فرصة إن التلج بتاعها يفك.بس نصيحة بيني وبينك كده الطيور الطازجة أحسن مية مرة من الطيور المجمدة.
• لو كنتِ هتشتري لحمة
لازم تكون من عند جزار موثوق فيه علشان تتأكدي إن اللحمة دي كويسة وخدي
بالك إن لون اللحمة يكون وردي قاتم وتجنبي نهائيا اللحم المخضر المائل إلى
الرمادي أو المبلل لأن دي بتبقى لحمة فاسدة.

• لو كنت هتشتري سمك
السمك سواء اللي بيعيش في المية المالحة أو العذبة لازم يكون عيونه لامعة
ممتلئة ورطبة وخياشيم السمكة نظيفة لونها أحمر ومايكونش عليها أي أثر
لمادة لزجة وجلد السمكة يكون بيلمع ورطب وألوانه واضحة وصلب مافيش فيه أي
خدوش.لكن لو كنتِ هتشتري سمك فيليه يبقى خليكِ شاطرة واشتري السمكة كاملة وبعد كده خلي اللي بيبيع يقطعها لك.
• لو كنتِ هتشتري خضراوات أو فاكهة
يبقى ياريت برضه إنك تشتري الخضراوات والفاكهة الطازجة ودي هتعرفيها من لونها يعني يكون لونها زاهي.
• ولو هتشتري حاجات معلبة
لو رحتِ السوبر ماركت وحبيتِ إنك تشتري حاجات معلبة يبقى ياريت إنك تشوفي
تاريخ الصلاحية والانتهاء اللي بيكون مكتوب على العلبة وكمان خدي بالك إن
العلبة تكون مقفولة وسليمة.

الخطوة الثالثة
بعد ما ترجعي البيت

بعد ما رحتِ السوق واشتريتِ كل الطلبات اللي
إنت عايزاها رجعتِ على البيت دخّلي الحاجات اللي جبتيها المطبخ وغيري
هدومك ووضبي الحاجات اللي إنتِ جبتيها، يعني شوفي إيه اللي هتستخدميه
النهارده وإيه اللي هتشيليه في الثلاجة لحين الاستخدام...

وخدي بالك إن كل حاجة من اللي إنتِ اشتريتيها دي ليها طريقة معينة في تجهيزها فهتلاقي مثلا:

بالنسبة للفراخ أو الحمام أو البط..
شيليها من الكيس بسرعة ونظفيها تاني.. أنا عارفة إنك هتقولي إن صاحب المحل
نظفها هاقول لك إن تنظيف صاحب المحل حاجة وتنظيفك إنت حاجة تانية خالص..

وده لأنك هتنظفيها أكتر منه مية مرة بإنك هتغسليها تاني من جوه ومن بره
، وتشيلي أي آثار للريش أو أي دم موجود عليها وبعد كده تحطيها في طبق كبير
وتدعكيها كويس بالملح من جوه ومن بره، وتعصري عليها نص ليمونة وتسيبيها
لمدة نص ساعة وبعد كده تغسليها كويس بالميّة من الملح والليمون وتشوفي بقى
هتعملي فيها إيه..
فمثلا:
• لو كنتِ هتسلقيها.. يبقى اغلي مقدار مناسب من المية وبعد ما المية تغلي
حطي الفراخ أو البط، بعد كده هاتي بصلة وقسميها إلى نصين وضيفيها إليها،
لما تلاقي إن الفراخ قرّبت تستوي ضيفي إليها مقدار مناسب من الملح والفلفل
والبهارات.
• لو كنت هتشويها.. يبقى هاتي بصلة وقطعيها قطع صغيرة جدا وبعد كده ضيفي
إليها التوابل والملح والفلفل وانقعي فيها الفراخ أو أي حاجة إنتِ عايزة
تشويها لمدة ساعتين وبعد كده شيليها من البصل واشويها.
• لو كنتِ هتجمديها في التلاجة لغاية ما تحتاجي ليها..
يبقى في الوقت ده نشفيها كويس من المية وبعد كده هاتي كيس بلاستيك ناشف
وحطيها فيه وبعد كده فرغي منه الهواء واقفليه كويس وحطيها على طول في
الفريزر.
بالنسبة للحمة..
• لو كنتِ هتشيليها في التلاجة..
يبقى طلعيها من الكيس البلاستيك وبعد كده حطيها في حلة وحطيها في التلاجة
على الرف اللي تحت الفريز لمدة أربع ساعات وبعد كده هاتي كيس بلاستيك ناشف
وحطيها فيه وفرغي أي هواء في الكيس واقفليه كويس وشيليه في الفريزر لحين
الاستخدام.(وممكن تطبخيها او تعصجيها لو مفرومه زي ماقلنا وتشليها بعدها في الكيس بنفس الطريقه بعد ماتبرد شويه وده احسن)
• لكن لو كنت هتسخدميها على طول..
يبقى اغسليها واسلقيها وبالهنا والشفا..

بالنسبة للسمك..
بعد ما تروحي البيت على طوول طلّعي السمك من الكيس بتاعه ونظفيه كويس..

ودي طريقة تنظيف السمك:
امسكي وسط السمكة وابشري جلدها باتجاه الرأس بسكين أو بحافة سكين غير حادة.

قصي الزعانف بواسطة مقص حاد.. وشقي جانب السمكة من أسفل رأسها حتى بداية
ذيلها وتأكدي من أنها قد شقت جيداً من الداخل.. شيلي الأمعاء ونظفي بطن
السمكة كويس.
(السمك البلطي في جزء اسمر جواه لما يتفتح ياريت ينضف كويس ادعكيه بصوابعك لحد مايروح علشان تنظف )

بعد كده نظفي السمك بالمية الباردة وبأكِّد بالمية الباردة، وده لأن السمك
بيستوي بسرعة فلو غسلتيه بمية سخنة ممكن إنه يتسلق منك، اغسلي السمك كويس
أكتر من مرة.

بعد كده اعصري عليه كمية كبيرة من عصير الليمون وسيبيه لمدة نص ساعة وبعد كده اشطفيه كويس وشوفي هتعملي فيه إيه..
فمثلا:
• لو كنتِ هتشيليه في الثلاجة لحين الاستخدام.. يبقى سيبيه لغاية ما ينشف وحطيه في كيس بلاستيك ناشف وشيليه في الفرزير.
• لكن لو كنتِ هتسويه.. يبقى اغسليه كويس من الليمون وجهزي التتبيلة
بتاعته اللي هي عبارة عن (عصير ليمون+ بهارات سمك+ كمون+ نص راس ثوم+ فلفل
حار أخضر+ ملح)، واطحنيهم مع بعض كويس في الهون وبعد كده ادعكي بيهم
السمكة من جوه ومن بره وتسيبيها لمدة ساعة وبعد كده تستخدمي السمك زي ما
إنتِ عايزة تشويه أو تقليه أو تعمليه صينية.

بالنسبة للخضراوات والفاكهة..
لو كنت جايبة كمية كبيرة من الخضراوات والفاكهة يبقى ياريت إنك تحفظي الخضار والفاكهة اللي إنتِ مش محتاجة لها لحين الاحتياج لها.

ودي طريقة بسيطة جدا لحفظ الخضار والفاكهة..
• بالنسبة للخضراوات الورقية اللي زي النعناع والبقدونس والشبت والك***ة والجرجير:
حطيهم في كيس بلاستيك ناشف من غير ما تغسليهم وتحطيهم في التلاجة ودي أحسن طريقة تخليهم يعيشوا معاكِ في التلاجة لمدة أسبوعين..
• بالنسبة للطماطم:
لو كانت الطماطم طرية يبقى اغسليها كويس وبعد كده قطعيها واضربيها في
الخلاط لغاية ما تبقى عصير، بعد كده صفيها وحطيها في أكياس نايلون ناشفة
وحطيها في الفريزر لحين الاستخدام.

لكن لو كانت الطماطم جامدة يبقى حطيها في مصفاة وحطيها في الثلاجة زي ما هي.
• بالنسبة للفلفل والبسلة والقرنبيط والجزر:
من الممكن حفظ حبات الفلفل الرومي بالتجميد عن طريق إنك تغسلي حبات الفلفل
وتقطعيها شرائح طويلة أو مكعبات، وتحطيها في أكياس نايلون وبعد كده تحطيها
في الفريزر..

والبسلة والقرنبيط والجزر ممكن إنك تعملي معاهم زي ما عملتِ مع الفلفل الأخضر.
• بالنسبة للبصل والثوم والبطاطس:
دول مش محتاجين إنك تحطيهم في الثلاجة لأنك ممكن تحطيهم في مصفاة وتحطيهم في أي زاوية من زوايا المطبخ.

• بالنسبة للفاكهة:
من الممكن إنك تغسليها وتنشفيها كويس وبعد كده تحطيها في كيس بلاستيك ناشف وتحطيها في الثلاجة أو الفريزر.

وبكده يبقى إنتِ جهزتِ طلبات البيت وخليتيها عندك لغاية ما تيجي تستخدميها.

نشوف مع بعض النصائح دي**************************
النصيحة الأولى
لما تيجي تسلقي البطاطس ياريت إنك تضيفي عصير نصف ليمونة إلى ميّة السلق علشان البطاطس ماتسودش وتحتفظ بلونها الأبيض.

ولسهولة نزع قشر البطاطس المسلوقة يبقى ياريت إنك تحطيها في ميّة باردة بعد ما تستوي على طول، وبعد كده تقشريها.

ولو عايزة تعملي بطاطس شيبسي زي اللي بتشتريها يبقى بعد ما تقشري البطاطس
قطعيها "بماكينة تقطيع البطاطس اليدوية" إلى شرائح ضعيفة جدا وبعد كده
انقعيها لمدة ساعة في ميّة أضيف إليها ملعقة كبيرة ملح وملعقة كبيرة خل
وبعد كده سخني الزيت كويس واقليها فيه.

النصيحة الثانية
لو هتستخدمي لحمة أو فراخ من اللي في الفريزر يبقى
ياريت إنك تطلعيها من الفريزر قبل ما تسويها بحوالي 12 ساعة وتحطيها على
رف الثلاجة الأخير لغاية ما تفك ثلجها.

وماتسمعيش كلام حد يقول لك إنك تطلعيها من الفريزر وتحطيها في ميّة سخنة
علشان تفك من التلج بسرعة لأن الموضوع ده بيخلي جلدها يتشقق وبيبقى طعمها
مش حلو..
(وكمان غلط صحيا)

وخدي بالك من إنك لو طلعتِ أي حاجة من الفريزر وفكِّت ثلجها يبقى ماترجعيهاش تاني الفريزر لأن ده بيعرضها للتلف.

النصيحة الثالثة
اوعي تستخدمي السمن بنوعيه النباتي والحيواني
والزيت أكتر من مرتين في القلي وده لأن المواد الدهنية تتحلل وتصدر منها
أحماض ضارة تسبب -لا قدر الله- الإصابة بأمراض خطيرة زي "السرطان" أو
"التسمم".

النصيحة الرابعة
يمكن التقليل من الملح الموجود في الزيتون المخلل أو أي حاجة مخللة بإنك تنقعيها طوال فترة الليل في ميّة وتحطيها في الثلاجة.

ولو عايزة تخللي أي حاجة في البيت ياريت إنك تستخدمي برطمانات زجاج وابعدي نهائيا عن البرطمانات البلاستيك لأنها مضرة جدا على الصحة.

النصيحة الخامسة
لو هتعملي سلطة خضراء قبل ميعاد الأكل بفترة
كبيرة يبقى ياريت إنك ماتضيفيش إليها التوابل إلا عند التقديم وياريت إنك
تضيفي إلى طبق السلطة الخضراء عصير ليمون علشان تحافظي على الفيتامينات
اللي فيها.
نفس الشيء مع العصائر ياريت إنك ماتعمليهاش وتسيبيها لمدة طويلة في الثلاجة لأن بكده ممكن إنها تفقد قيمتها الغذائية.

النصيحة السادسة
ياريت دايما تخلي نار البوتجاز هادية وإنت بتتطبخي وده
لأن النار الهادية بتخليكِ تتحكمي في الأكل كويس ومش بتخلي الأكل يلزق منك
بسرعة.
ده بالإضافة إلى إن الأكل اللي بيستوي على نار هادية بيكون طعمه ألذ من اللي بيستوي على نار عالية.

النصيحة السابعة
حافظي على نظافة أدوات المطبخ أولا بأول يعني لو
استخدمتِ السكينة علشان تقطعي بيها أي لحمة نيئة يبقى بعد ما تخلصي
التقطيع اغسلي السكينة على طول واوعي تستخدميها في تقطيع الخضراوات أو أي
حاجة تانية إلا بعد ما تغسليها كويس.

النصيحة الثامنة
ياريت تحتفظي بالبهارات في مكان جاف لأن الحرارة أو الرطوبة الزايدة بتخلي الأعشاب والبهارات الجافة تفقد نكهتها بسرعة.

علشان كده ياريت ماتخزنيش الأعشاب والبهارات الجافة بقرب أفران الغاز أو
المايكروويف أو أي مصدر للحرارة أو الرطوبة كأجهزة غسل الصحون وغلايات
الماء.

وخليكِ دايما عارفة إن الأعشاب والبهارات دي لو خزنتيها بشكل صح فده ممكن يخليها تحتفظ بنكهتها لمدة عام او اتنين.

وبالنسية لحفظ البقوليات زي الفول والعدس، فياريت لو الجو حار إنك تحطيها في أكياس بلاستيك وتقفليها كويس ودخليها الثلاجة..

النصيحة التاسعة
لتطرية شرائح البوفتيك اللي إنتِ عايزة تشويها يبقى ياريت إنك تضيفي ملعقة كبيرة خل على تتبيلة اللحمة.

كمان ياريت تعملي أكتر من شق في أطراف قطعة اللحم أو الهامبورجر قبل ما
تحمريها أو تشويها لأن ده بيمنع عملية تقوس قطعة اللحم أو الهامبورجر
وبيخليها تستوي بسرعة.

النصيحة العاشرة
علشان تحافظي على الجبنة القريش في الثلاجة أكبر فترة ممكنة يبقى ياريت تحطيها في لبن بارد ومعاها قرن فلفل أخضر حامي.

او إنك تغلي كوباية ميّة وبعد كده تسيبيها لغاية ما تبرد وبعد كده تضيفي إليها شوية ملح وتحطي فيها الجبنة وقرن شطة أخضر حامي.
**************************